SP sa Bohol Mo-convene sa komite sa Kalikupan Alang sa imbestigasyon sa Loboc River Project

Gipahibalo ni Board Member Jamie Aumentado Villamor nga i-convene niya ang Committee on Natural Resources and Environmental Protection aron susihon ang kontrobersyal nga Loboc River Protection Project sa Department of Public Works and Highways (DPWH).

Ang lakang gitumong sa pagtubag sa mga reklamo gikan sa Bohol Provincial Tourism Office ug uban pang mga stakeholders kalabot sa Kadaot sa Kalikupan.

Ang pagpanangtang sa mga nipa ug uban pang natural nga tanom sa daplin sa suba nga makapeligro sa mga firefly ug biodiversity. Ang Pag-usab sa Talan-awon nakaapekto sa mga istruktura sa natural nga katahom sa Loboc River ug Ang kawalay klaro sa mga rekisitos sama sa Environmental Compliance Certificate (ECC).

Gipasabot ni Villamor nga dili sila supak sa pag-uswag ug flood control, apan kinahanglan nga kini mahitabo sa paagi nga "transparent, science-based, ug responsable sa kalikupan."

Uyon usab niini si Board Member Lucille Lagunay, kinsa nanawagan og usa ka multi-stakeholder dialogue. Kini aron masiguro nga ang tanang desisyon base sa teknikal nga pagtuon ug alang sa kaayohan sa komunidad ug sa umaabot nga henerasyon.

Ang ipahigayong tigom sa komite magsilbi nga basehan kung ang proyekto kinahanglan ba nga pagasuspindihon samtang nagpadayon ang imbestigasyon.