SA BILAR ; 4 KA BABAYE GIINGONG NAG-SELFIE, NATAGAK SA RIDES!

| By : Jomer Pequit

Upat ka mga babaye ang nalandig sa tambalanan human mangatagak gikan sa nag-andar nga rides sa usa ka karnabal sa lungsod sa Bilar niadtong Dominggo sa gabii, Mayo 17, 2026.

Sumala sa taho gikan sa lokal nga kapolisan, nahitabo ang insidente sa maong peryahan alas-10 sa gabii samtang nagsakay ang mga biktima sa kalingawan nga gitawag og “SpongeBob.” Sa kalit lang, nalinla sila sa selfie, rason nga nangatagak ang upat ka mga pasahero nga daling gipangdala sa labing duol nga health center aron matambalan sa ilang mga pangos ug minor nga samad.

Apan sa gihimo nga inisyal nga pakisusi sa mga awtoridad, migawas nga aduna nay timailhan sa pagsaway sa bahin sa mga biktima. Gitumbok sa kapolisan nga samtang kusog ang tuyok sa rides, namugos matud pa ang mga babaye sa pagtindog ug palamiay og pwesto aron lang magkuha og mga litrato o mag-selfie.

Gikumpirmar usab sa mga nakasaksi nga una nang gibawalan ug gipasidan-an sa mga operator ang mga biktima nga dili mag-irog-irog samtang nagbiyahe ang rides, apan giingong gibaliwala lang kini sa mga nahisgutan. Tungod sa sige og lihok sa upat, nawad-an sa balanse ang maong atraksyon ug daling nayabo.

Sa pagkakaron, nagpadayon pa ang lawom nga imbestigasyon sa kapolisan aron masuta kung duna bay tulubagon ang tag-iya sa karnabal taliwala sa pagsupak sa mga sumasakay.