NGCP SA PUBLIKO: LIKAYI ANG PAAGAMIT OG MGA KUSOG-MOKAUN NGA APPLIANCES KO N PEAK HOURS

| By Jomer Pequit

Gihangyo karon sa National Grid Corporation of the Philippines (NGCP) ang publiko nga usbon una ang ilang naandan nga oras sa paggamit sa mga de-koryenteng kahimanan nga kusog mokaon og kuryente aron mamenosan ang bug-at nga load sa power grid.

Atol sa Open Line News Media Forum sa MyTV Cebu karong adlawa, Mayo 19, gisugyot ni Engr. Neil Martin Modina, Assistant Vice President ug Head sa Visayas System Operations sa NGCP, nga mas maayong adto na sa gabii partikularmente sa may alas 9:00 sa gabii padaganon ang mga high-energy appliances sama sa plantsa.

Matud ni Modina, dungan nga nagasaka ang konsumo sa kuryente sugod sa alas 2:00 sa hapon hangtod sa alas 6:30 sa gabi-i gumikan kay mao kini ang mga takna nga dungan usab nga nagasiga ug nagaandar ang mga kahimanan sa kadaghanang panimalay.

Aron pa gyod makatabang sa pagpagaan sa grid, dako og loading kon mapalawom pa sa gabii ang pag-andar sa mga appliances. Gani, gipahayag ni Modina nga kadtong mga panimalay nga tagsa ra o gamay ra ang sulod sa ilang mga refrigerator mahimong mamungat o mosaksak niini unya na sa gabii aron malikayan ang dungan nga pag-overload sa sistema samtang ting-init ug peak hours.

Gidugang sa NGCP nga kining yano nga pag-adjust sa oras sa pag-andar sa mga appliances dako og matabang aron mapugngan ang kalit nga pagkapong sa suplay ug mas maseguro ang kalig-on ug kaayohan sa dagan sa kuryente alang sa tanan.