Mga job order worker sa Kapitolyo, nakadawat og tag-10 ka kilong bugas

| By : Jomer Pequit

Gisugdan na karong adlawa ang pag-apod-apod og tag-napulo ka kilo nga bugas alang sa tanang job order workers sa kagamhanang probinsiyal. Gipahigayon ang maong distribusyon dapit sa Kapitolyo human dayon sa senemana nga flag raising ceremony nga gipangulohan ni Gobernador Erico Aris Aumentado.

Sumala sa gobernador, makadawat pag-usab sa maong ayudang bugas ang mga nahisgutang trabahante karong umaabot nga Mayo 30, Hunyo 15, ug Hunyo 30. Gipasabot sa kagamhanan nga kabahin kini sa padayon nga suporta ug mga programa alang sa mga job order workers kinsa giila nga mahinungdanong bahin sa serbisyo sa probinsya.