LPA sa Gawas sa PAR, Posibleng Mahimong Bagyo Sulod sa 24 Oras

by JOMER PEQUIT

Gimonitor karon sa PAGASA ang usa ka Low Pressure Area (LPA 04a) nga nahimutang sa gawas sa Philippine Area of Responsibility (PAR) karong adlawa, Abril 8, 2026. Subay sa weather advisory nga gipagawas sa alas-2:00 sa kaadlawon, nakita ang LPA sa gilay-on nga 3,095 kilometros sa sidlakang bahin sa Northeastern Mindanao.

Sumala sa state weather bureau, "high chance" o dako ang posibilidad nga kining maong disturbance mahimong usa ka tropical depression sulod sa sunod nga 24 oras.

​Bisan pa man niini, ang tibuok nasod makasinati gihapon og init ug alingasa nga panahon karong adlawa tungod sa localized thunderstorms nga mahimong magdala og kadiyot nga pag-ulan sa pipila ka dapit.