Gov. Aris Aumentado Nagmando og Province-Wide nga Imbestigasyon sa Rabies Vaccines sa Bohol

by DAVE RESPONTE

Gimando ni Governor Aris Aumentado ang komprehensibong inspeksyon ug imbestigasyon sa rabies vaccines nga gigamit sa tanang government ug private animal bite treatment centers sa probinsya.

Gimandoan ang Provincial Health Office (PHO) ug Office of the Provincial Veterinarian (OPV) aron masiguro ang kaluwasan, kalidad, ug kasaligan sa mga bakuna.

Apil sa imbestigasyon ang pagsusi sa tinubdan ug kalidad sa bakuna, pagrepaso sa storage ug handling, pag-validate sa rekord, ug pag-imbestigar sa mga reklamo o insidente.

Gihingusgan sa Kagamhanang Probinsyal nga prayoridad ang public health ug ipahibalo sa publiko ang resulta human sa hingpit nga pagrepaso.

Gipaniguro usab ni Governor Aumentado nga ang bakuna gikan sa Department of Health (DOH) ug gipamalit sa probinsya niagi sa hustong bidding ug regulatory requirements.

Giawhag ang publiko nga magpabiling kalmado ug makigtambayayong samtang nagpadayon ang imbestigasyon.