"PADULONG MAGPA-ENROLL, PATAY"

Estudyante nga padong magpa-enroll, patay sa disgrasya sa Inabanga.

| By Jomer Pequit

Patay ang 19-anyos nga Backrider human aksidenting malatayan sa Southern Star Bus alas-2 ang takna sa kaudtohon niadtong adlawng Lunes Petsa 18, samtang angol usab ang Driver nga 18-anyos ug usa ka 21-anyos nga backrider . Silang Tulo pulos mga estudyante nga padulong magpa-enroll. Nahitabo ang Disgrasya sa National Highway sa Brgy. Nabuad Inabanga.

Suma sa Hepe sa Inabanga Police Station atol sa Pakighinabi sa Tinuod nga Radyo, padulong sa Buenavista ang maong mga estudyante, samtang nagsunod usab ang usa ka Southernstar bus, suma sa imbestigasyon, nikalit og change lane ang maong mga estudyante sakay sa ilang motorsiklo tungod kay dunay nag-atang nga sakyanan, hinungdan nga na sidesweep kini Southern star bus.

"Kuan sir, ni change-lane man gd motor sir kay naay nag-atang nga sakyanan, mao nang ni-left siya para maka deritso, kaning ceres straight raman ang agi, maong nabangaan sila" suma sa hepe.

Patay ang backrider human maligsi sa southern star bus. Ang mga estudyante, walay mga helmet, walay usab mga lisensya.

Ang driver sa southern star bus, nakakostudiya na sa Inabanga Police Station, apan gikatakda kini nga i-release tungod kay duna nay settlement.

Tungod sa Data privacy act, wala hinganli sa kapulisan ang mga estudyante.

Hulagway kuha ni : WilmarTV